Kon Notabel abo ta?

Tur hende ke un bida mihó posibel.
Tur hende meresé un bida mihó posibel.
Tur hende ke ta Notabel.
Kon Notabel abo ta?
Kiko abo ta hasi pa bo bida ta notabel na promé lugá pa bo mes i pa otronan ku bo konosé?
Personalmente mi ta konvensí ku ta ora un hende tuma e desishon e ta hasi algu notabel pa su mes. No promé. I ta ora bo tuma e desishon notabel ei, bo mes ta bai ripará kambio i diferensia den abo su bida.

Un ehèmpel di un desishon notabel ta ku bo ta kuminsá na balorá bo mes pa e kosnan bon ku bo tin.
E baloramentu aki no por bai a kosto di niun otro hende sino bo no por logra un bida notabel.
Pero balorando bo mes, respetando otronan, kuminsando ku hendenan den bo serkania na promé lugá, bo ta bai nota un diferensia.
Otro ehèmpel ta ku bo ta wak rondó di bo ken realmente ta un ehèmpel pa bo. Ken lo bo ke sigui su manera di hasi. Ken tin e aktitut notabel ku abo ta konsiderá di ta di balor pa un hende bai dilanti den bida.
Pakiko no hasi manera e pa abo tambe tin su logronan?

Mi ta keda pendiente ku abo ta kompartí bo eksperensia di kon bo ta apresiá bo mes ku nos aki of riba http://www.facebook.com/?ref=logo#!/pages/Reyna-Joe/352355284778?ref=tsriba Facebook.

I kos bon so pa bo

Reyna Joe