Skucha Notabel di awe aki << klek aki >>

Archivo di programanan anterior << klek aki >>

Kon ta bai
Entrante 3 di ougùstùs Notabel ta tambe di djaluna pa djabièrnè di 11’or di mainta pa 12’or na Radio Voz di Bonaire, kanal 94.7 FM, TDS kanal 94 i tambe aki riba www.notabel.com ku abo por skucha ora ta kumbiní abo.

Notabel na radio ta un programa variá ku ta trata di tur un poko, ku e intenshon pa abo oyente haña informashonnan ku por benefisiá abo. Lo ta mihó ainda si bo laga nos sa ki tópiko abo ta interesá pa skucha i si bo mes tin informashon interesante pa kompartí den Notabel.

Mi ta yama danki na Feliciano Piloto gerente di Radio Voz di Bonaire pa a invitámi pa hasi un programa serka dje. Un gradisimentu ta bai na Tony Delcart pa ta e eksperto tékniko tras di www.notabel.com i awor tambe Notabel Radio ku tur e retonan digital ku a bini aserka. I mi ta gradisí tambe di fondo di mi kurason nos man drechi den produkshonnan ku ta Jason Raphaël pa su pasenshi i kedamentu trankil ora ku ami ta kere ku lo mi no dominá e aspekto tékniko di traha programa na radio.

Mi ta gradisí tambe Mariano, Justine i Pitòsh pa nan sosten di semper sin niun kondishon i mi tim di BISInc ku ta biba ku tur proyekto ku tin.

Danki, danki, danki!!!!!!!!!

Reyna Joe